懶人餐

今個星期好鬼懶.可能係因為行完三日山,個人好鬼攰...(藉口)足不出戶,完全冇去入貨.結果係傻馬放工順路買埋返o黎.
星期一出遊,食埋至返.
星期二(十月十二日) 炒粉絲

出遊前清完倉冇入貨,用咗啲"倉底貨".材料: 粗粉絲,冬菇,雲耳,紅蘿蔔,罐頭午餐肉,蛋.

加多個罐頭瑤柱海鮮羹.
星期三去咗朋友屋企玩貓,食完至返.所以冇煮.
星期四(十月十四日) 兩餸一湯

魚香茄子,蝦米洋蔥炒蛋,罐頭酸辣湯.
星期五(十月十五日) 午餐

鰻魚粥
晚餐 - 即食麵

傻魚個廣東麵

傻馬個韓國麵,再加多個韓國年糕.
下個星期要勤力啲至得.