海浜幕張@2008東京車展

今日傻馬帶咗傻魚去海浜幕張,睇車展.平時出街,傻馬係阿四,負責斟茶遞水抺汗做咕哩...今日輪到傻魚做咕哩,"枱"背囊...點解?因為傻馬要影相囉...由十點半行到六點半,影咗五百幾張相...到最後個相機係冇電兼冇位,如果唔係可能有成千張...傻魚揀相都揀到頭暈眼花,搞咗幾個鍾至揀到三十張咋...唔講住,去片先...



傻馬話勁似大閘蟹喎...似咩?



好鬼閃...



傻馬同傻魚異口同聲話型!



個假車手好可愛~



成對鳯眼咁...



傻馬話好正~



啲軚軨好靚呀...



呢架車好搞鬼...後座右邊有部波子機,左邊係個魚缸...真係有真o既金魚游下游下o架!



成隻飛蟲咁,好得意...



呢架係傻馬o既"夢車"!傻魚都好鍾意...



呢個位迫到水洩不通,原來有幾個泳衣姐姐仔...好多相機係咁閃閃閃...



唔知點解,傻魚覺得呢架車好搞笑...



傻馬係咁望住架車個鼻話得意...



橙色,好鬼型仔!



顏色配搭唔錯...



個車頭好搞嘢...



呢架係傻魚架"夢車",中咗六合彩一定會買架...



喺車展睇車之餘,梗係唔少得睇靚女喇...行晒成個場,影咗好多"跑車女朗",揀咗十位靚女...大家覺得邊位佳麗至靚呀?

去到行咗兩個幾鍾,肚仔餓腳仔軟...搵個位坐低買便當醫肚仔先...



傻馬話唔好食,仲食唔飽添...



傻魚呢個都係麻麻啫...食完傻魚抖咗個幾鍾,傻馬自己一個行完中間個場至返o黎搵埋傻魚去行另外兩個場...行到好鬼攰...

行到車展收,跟住走咗去附近行.原本諗住去睇下有冇正袋買,點知結果係傻馬買咗三件衛衣...傻魚都有斬獲,買咗件羽絨.返到傻家都成九點...煮得飯仔o黎可能餓死咗,見有兩個番茄同雞塊,所以...





估唔到求其整都咁好味...傻馬連啲汁都飲晒...哈~聽日又要早起長征...聽日去邊?聽日咪知囉...呵呵呵呵~