蟹道樂

今日冇同關生去行街街.兩條友仔瞓到十二點至起身...見天氣勁好,傻魚即刻洗咗兩機衫先.求其整返熱前日食凈o既有味飯填飽個肚仔,跟住傳咗個短訊畀關生問今晚想食蟹定雞泡魚.等咗好耐關生都冇反應...跟住三點幾關生打o黎話四點鍾喺酒店樓下等.傻馬掛住打機,叫極都唔肯換衫...終於搞到四點鍾至出到門口...遲咗就梗係驅車去快啲喇...去到唔見人,即刻又整多個短訊問關生喺邊...等咗一陣至見關生兩公婆拎住大袋細袋返o黎.一齊上房擺低啲嘢之後,就去新宿搵食.原本諗住食吉野家,跟住夜啲至去食蟹...但係傻魚驚夜啲要等位,咪去食蟹先囉...去到...唔係講笑...五點鍾咋!要等位喎...仲係要等成個鍾咁耐喎...傻馬陪關生同未來關太去附近行一陣,而傻魚就留低等位...等咗半個鍾就有位喇.乍乍林打畀傻馬叫佢哋上o黎,因為傻魚一條魚坐喺度好鬼尷尬...人齊傾咗一陣就決定食個炭火餐.先o黎杯柚子餐前酒,跟住...

一擺入口,關生已經嘩嘩聲...都仲未食完又o黎個...

傻馬好忙,又要食又要影相...啱啱開始搞啲刺身,下一道又上枱喇...

最正嗰塊畀個姐姐仔擺咗上炭爐...

關生食咗一啖,跟住拍枱:「搞錯呀!畀啲咁鬼難食o既嘢人食...以後點算呀?!!頂~以後唔食蟹喇...」一路鬧一路勁食,個樣好鬼搞笑...最衰傻魚凈係掛住笑,唔記得叫傻馬錄低畀大家睇...

個個都話豆腐個汁好味~

蒸蛋好滑~

啲蟹炸咗都好好味...

關生食咗嚿寿司之後,勁話好味...意猶未盡...

另加一客寿司...落單嗰陣個姐姐仔仲諗住係外買.當傻魚話係堂食嗰陣,姐姐仔都呆咗一呆...可能心諗:「你班友仔肚生蟲呀?食咁鬼多...」

食埋個甜品就飽到上心口...原本諗住各自畀各自嗰份...點知關生係都要請喎...多謝關生~下次返香港到傻魚請返你食餐勁o既!到時唔好搶畀錢喇~如果唔係傻魚唔會再畀傻馬同你玩o架喇...關生同未來關太玩埋聽朝就要返香港喇...呢幾日傻馬都玩得好開心...傻馬唔知幾時至可以再同關生食飯呢...

後記: 話說傻魚食完蟹個身會勁痕...但係冇理由因為傻魚而令到其他人冇得食好嘢o架...依家傻魚個私家近身奴僕阿傻馬好忙咁幫傻魚搲痕...呵呵~