南大沢

今日瞓醒已經係十一點...洗完兩機衫,傻馬話想出去行下...都好...結果走咗去南大沢行商店.一去到第一件事梗係搵食醫飽個肚仔先喇...

之前傻馬見香港啲電視節目介紹過,想試下...

傻馬個烏冬...

傻魚又食咖哩...(咖哩王子,千祈唔好再搵傻魚呀!!!)

啲天婦羅凍冰冰...個烏冬都係上次喺小田原食嗰啲好味啲...不過都唔差.食飽就起行,睇下有冇嘢買...

可能係周末,都幾多人...

呢度都幾大,有好多牌子...

真係乜都有,差唔多間間都入去行一轉咁滯...行行下...

傻馬:「傻魚食唔食雪糕呀?」

傻魚:「唔食...傻馬想食咪買囉...」

傻馬:「咁傻魚食唔食呀?」

傻魚:「都話唔食囉...唔好成日叫傻魚食嘢喇!傻馬係咪想食呀?」

傻馬:「咁傻魚呢?」

傻魚:「唉...食呀食呀!!!」 (好鬼煩!!!)

結果買咗個期間限定試下...又幾好食喎...傻魚"榮升"做"闊太"都係拜傻馬所賜...

天光行到天黑...好攰呀...之後喺架車度瞓咗陣...返到新宿諗住去京王買便當食,點知過咗八點冇得買...唯有聽日再去過囉...返到傻家附近走咗去買薯條食...飽飽地,所以今晚成十點至食飯...

個豬肉粒好好味,傻馬一嘢掃鬼晒...黃小萀,呢款火腿/魚餅(?)都好正呀~呵呵呵~