"闊太"嘆茶

"闊太"今日又約咗網友甲君,網友媽咪同小朋友去惠比寿食晏.上次去嘆茶嗰陣發現呢間咖啡店有午餐食,仲包半件蛋糕...千四円咋...低呀!!!再加上呢度平日好少人,可以坐好耐都唔會畀人趕...啱晒"闊太"呢啲食完唔願郁o既懶人...傻魚今日好醒,記得帶相機!傻魚個"午市套餐"有...

有生洋蔥,畀傻魚撩晒出o黎...個醬都幾好味...

好味,又好夠飽...

呢個份量啱啱好,啲蛋糕好好味~食完飽晒...坐喺度一個墟係咁傾咗幾個鍾...因為上次去嗰陣有款蛋糕個個都好想食但係又咁啱賣晒,見今日仲有咪嗌件大家食囉...落單嗰陣問個姐姐仔可唔可以切開三份,個姐姐仔話有啲難度,盡量喇...之後負責切蛋糕個哥哥仔拎住三碟蛋糕...

放低嗰陣同傻魚講呢款蛋糕比較難切到咁細份,今次切到下次未必得...仲話如果下次切唔到咁細件,千祈唔好投訴話上次得點解今次唔得...咁保險呀,阿哥哥仔...件蛋糕真係好味到...雖然個個都仲飽,但係都可以成件食晒.勁~

今日因為網友甲君要去新宿車站接人,所以三點鍾就散會喇.傻魚同網友甲君一齊去等人,跟住介紹咗一間食和牛o既店畀佢哋,然後就同大家分道揚鑣去入貨.次次入貨梗會入爆個雪櫃...今日仲有好多特價貨,梗係唔會放過逛掃返傻家喇...

菠菜一大札,賣九十八円...低到爛呀!!!早知買多札喇...好耐都冇煎過魚,見有靚魚賣咪整盒囉...椒鹽煎,正~仲有個番茄湯,好鬼甜呀!!!又整咗一大煲,傻馬飲凈一半留返聽晚飲喎...聽日...應該冇節目...所以會留喺傻家執下屋...呵呵~