長征熱海之食大餐

今朝神咁早起身,同傻馬去長征...天陰有雨,天寒地凍...先去新宿買車飛.由於假期太多人出遊,即時買唔到連位,仲要係唔同卡...冇計喇...

呢架"浪漫車"好型.搵到其中一個座位見有個哥哥仔坐喺度,梗係即刻問可唔可以同傻魚調位喇.個哥哥仔好好人,二話不說就同傻魚換車飛.真係多謝晒!坐咗一個鍾...

喺小田原落車...

轉另一條線,再搭半個鍾...

終於去到目的地-熱海!!!第一件事就係醫咗肚仔先...求其走入一間餐廳坐低...

枱面有個好搞鬼o既煙灰缸...唔知有冇人真係入一百円入去呢?

傻馬叫咗個蕎麦麵,味道麻麻之餘仲唔夠飽...

傻魚嗰個味道都係一般...食完喺附近行下...

好多舖門口都有...

一睇就知熱海係盛產海產o既地方...跟住就夠鍾搭巴士...先去個海灘睇睇...之後行去搭纜車上山仔...

好多情侶喺度影相同祈福...

個海景唔錯...

山仔上面有座城仔...由於入城要畀錢,所以放棄唔入...影完相就再搭巴士去另一個景點...

呢度又係一個有料,但係唔多值得入去睇o既地方...見仲要等成半個鍾至有巴士,行過去仲快...

七湯係間歇泉...分佈喺七個唔同地點...

途經見到間神社,傻馬即入去影相...

一堆石頭...呢個咁啱休泉...

七湯只係搵到五湯...見搵唔到另外嗰兩湯,無謂嘥時間...搵巴士站先...

是日最後一站...鳥居後面嗰棵係生存咗二千年o既樹...影完相就行去酒店...間酒店唔靚...不過唔緊要...今次係為咗個晚餐...酒店安排個晚餐喺房食,唔使去食堂...見仲有時間,傻馬走去浸溫泉...但係唔使十五分鍾就見傻馬返轉頭...仲諗住係人多浸唔到...但其實係因為熱得滯,浸一陣就頂唔順要離開...

個晚餐冇預期咁正...但係有龍蝦同刺身,算係咁喇...

另外仲有和牛...傻魚冇食,唔知得唔得...聽朝八點有人o黎收床預備早餐,今晚都係早啲瞓喇...