戲劇人生: "闊太"出遊

首先,有兩點要澄清...第一點-標題所寫o既"闊太"並非指家低豐厚o既太太,而係指身型肥大o既太太.第二點-呢度所指身型肥大o既太太係指傻魚本人.呵呵~

好喇...入正題喇...今朝九點幾就醒咗瞓唔返...可能係因為約咗小朋友同囡囡,所以好興奮...十一點收到網友太太個電話,話瞓遲咗費時大家等,所以今日唔同大家一齊食晏喇...好失望呀!!!希望聽日可以見到網友太太同囡囡喇...十二點喺傻家附近個駅同網友甲君會合,跟住一齊搭電車去惠比寿.去到集合地點等咗廿分鍾都仲未見網友媽咪,見唔係好對路咪打畀網友媽咪囉.原來網友媽咪喂小朋友食飯搞遲咗,咁傻魚咪同網友甲君去三越行下.之後收到網友媽咪個電話,話到咗惠比寿但係想去買啲嘢先.見冇乜嘢行,咪同網友甲君去搵間餐廳坐低先囉.等咗一陣就見到網友媽咪推住小朋友入餐廳.嘩!冇見小朋友成三個星期喇...好開心呀!可能啱啱瞓醒,所以小朋友冇乜反應...仲諗住小朋友已經唔記得傻魚姐姐添...原來只係啱瞓醒反應慢啲啫.三個女人一個墟,傾得好開心...坐咗差唔多兩個鍾,跟住四周圍行下買下嘢...真係畀傻馬講中..."闊太"帶頭走咗去食下午茶...咁食法有乜法子可以唔做"闊太"呀?!!最衰傻魚唔記得帶相機...件蛋糕真係好大件,又好味...又食又傾好開心,乜時間觀念都冇晒.到發覺嗰陣個天已經開始黑.即刻散會,因為網友太太要推住小朋友行返屋企...所以趁個天未黑齊,乍乍林起程...之後返到傻家附近同網友甲君去買啲嘢,然後散會各自返歸.

今晚見得閒...