黐飲黐食

因為網友甲君有親朋o黎日本玩,所以八婆仔傻魚梗係唔放過呢個可以黐飲黐食o既機會喇...喺上野同大家會合之後就一齊去買手信.o黎到上野,傻魚梗係要去買大餃子喇...今次終於都買到喇!!!勁開心呀!!!一輪狂掃之後,一行六人就轉戰新宿...開戰之前,梗係要食飽個肚先喇...原本諗住去"茶"一"茶",食西餅...點知要等位,所以就去咗另一間食下午茶.呢間係一間食班戟o既專門店...

傻魚叫咗呢款獨食...好好味~呢間可以返兜...網友甲君,約定你o架喇~

其他人叫咗幾款一齊食,呢個係其中一碟...個溫泉蛋好正,不過碟嘢油咗啲...

埋單...唔使傻魚夾錢~呵呵~又呃到餐飯仔食喇...上幾層買完"女人嘢"之後,傻魚帶路去搵哈囉吉地...點知間嘢裝修,要到二月二號至開返...咁無計喇~由於傻魚要煮飯仔,所以就同大家告別喇~咁多位,返香港再見喇!!!行返傻家途中走咗去"企鵝仔"買奶,跟住飛返傻家煲湯...

啲大餃子凍咗返叮無啱煎起咁勁好味,不過都唔錯...下次試下買生餃返o黎自己煎下先...個雞扒塊皮勁脆呀!!!傻馬話好好味~聽日原本約咗個網友食晏,但係咁啱煤氣公司有人上o黎檢查煤氣制同爐喎...點解偏偏要係聽日喎...好難得約到個網友o架嘛...聽朝起身要執下間屋同個露台至得...費時嚇親人...

同場加映:

啲"團友"今日瘋狂購物o既成果...另外仲有兩袋o架...勁呀!!!