最後的早餐

今朝關生同未來關太十點幾o黎到傻家...原本係諗住擺低啲行李o既...後來因為酒店可以暫寄行李,所以就空手o黎搵傻馬.一行四人浩浩蕩蕩去食早餐...喺東京o既最後一個早餐,關生揀咗食乜?咪松屋囉...哈~

關生兩公婆叫咗兩個餐一齊食...未來關太好鍾意食個カルビ..

傻魚唔食牛咪食豬囉...

傻馬好辣嘢...食完喺新宿行咗一陣,睇下玩具去下書店咁...關生買咗幾本刺繡o既雜誌畀關生媽咪...買完就行返酒店拎行李...諗住去到機場要排隊搞登機手續麻煩,所以未來關太就同傻魚返傻家上網搞,而傻馬就同關生返酒店拎行李...行行下差唔到返到傻家,未來關太突然停低...原來攞行李個牌仔喺未來關太度喎...咁關生咪拎唔到行李囉...乍乍林返傻家上埋個網,點知張電子機票冇號碼做唔到網上登機手續...白行添...行返酒店會合埋關生同傻馬就去擺行李,跟住就一齊去新宿駅搭車去日暮里轉車去成田空港...去到日暮里,送咗關生同未來關太去搭京成線之後,傻馬同傻魚轉車去池袋...諗住喺池袋行下,但係傻馬話池袋冇嘢行...後來決定去傻魚o黎日本讀書嗰陣住o既第一個地方附近行下...

哈~又見到呢間嘢...連續三日都食...

今次叫個唔同o既...好好味!食完行多一陣就返池袋轉車返傻家喇.

尋晚喺蟹道藥買o既...傻馬唔捨得食...
後記: 今日同未來關太返到傻家嗰陣見到有袋嘢掛咗喺門度喎...原來係屋主送咗一大袋柑畀傻馬同傻魚.收咗人禮,雖然傻馬好唔甘願,但係禮貌上都要回禮o架...所以臨離開池袋之前咗盒餅仔畀屋主...返到傻家見屋主唔喺度,寫咗張紙仔連埋袋餅仔掛喺屋主個門度...傻馬話大家鬥唔見喎...哎~使唔使咁呀?又唔係有十怨九仇...