兒童不宜

今朝倒屎咁早約埋關生同未來關太去淺草.傻馬同傻魚起咗身之後,搞呢搞路死唔願出門口...結果遲到要人等...去到淺草都十點幾...冇想像中咁多人...可能啲人仲未起身啩...首先...去掃街...

關生差唔多見乜食乜...都唔記得食咗幾多嘢同食咗啲乜...餐晏仔就咁搞掂咗...之後,拎住盒熱騰騰o既超大墨魚丸走入寺祈福.行返出寺,啲墨魚丸啱食喇...消滅完啲墨魚丸之後,關生同未來關太走咗去求簽...未來關太求到支小吉簽,而關生就...

即刻睇都唔睇就拎去綁結...仲差啲整爛埋人哋個架...跟住又返轉頭買手信...

睇下啲人潮...

開始越來越多人喇...行行下關生話要影相,叫傻馬揸機...

關生...ご馳走さま!!!之後關生話之前有個日本女朋友介紹過一間甜品店啲紅豆蓉好正,話要帶傻馬同傻魚去食...

關生同未來關太兩人食一份...啲紅豆蓉甜到...

傻馬同傻魚嗰份...傻魚食咗幾啖同埋啲雪糕就畀晒傻馬食...太甜喇...食完就離開淺草...臨走經過雷門...

啲人瞓夠開始出動喇...好在早去,如果唔係就實畀人踩死...之後搭地下鐵去渋谷.點知好多舖都冇開門喎...行咗一圈就轉戰新宿.去時代廣場途中經過一間冬甩店...

門口打晒蛇餅之餘仲排到無雷公咁遠...見到就怕怕...一輪購物之後,關生同未來關太返酒掂擺低啲嘢同休息一陣.而傻馬同傻魚就返傻家準備大餐開四人派對...

今次啱啱好食得晒...除咗啲平牛之外,傻魚仲準備咗...

難得關生賞面,點可以咁失禮用啲平嘢招呼阿關生o架...關生咁鬼熟都仲咁客氣...帶咗...

超多汁,好味青森大蘋果~食埋真係差啲飽到上心口...多幾個人一齊食飯真係唔同啲...開心好多o架...未來關太,傻魚好鬼麻煩o架...希望冇嚇親你喇~