好介紹

今朝起身即刻執一執間屋同個露台,跟住換定衫等煤氣公司啲人上o黎檢查.好快手,兩點前就搞掂晒...網友甲君兩點幾打o黎問傻魚啲嘢搞掂未,之後約定三點九去食下午茶.收線冇耐又收到傻馬個電話,收咗工返緊o黎喎...咁早...見傻馬未食晏,咪叫埋傻馬一齊去食下午茶囉...點鬼知隻傻馬返到傻家黐咗喺部電腦前面唔願出街喎...結果煮咗個麵畀傻馬食至出門口.見到網友甲君,一坐低係咁傾,連相都唔記得影...食咗個"午餐",傾咗兩個幾鍾,心不甘情不願死返傻家...返到去,傻馬瞓鬼咗,八點幾至肯起身...依家...鬼打咁精神...

入返正題先...由於今日食咗餐"勁量"下午茶,所以八點幾至問傻馬肚唔肚餓,想食乜.傻馬話不如出去食...又好喎...問定傻馬去邊食乜,費時喺條街度食飽西北風都仲未決定食啲乜...傻馬咁啱睇緊三色收費台某旅遊節目介紹一間喺新宿o既迴轉寿司店,有九十幾款,好似幾好食咁喎...去試下囉...

坐低梗係先o黎一碟傻魚至愛o既鰻魚喇...傻魚都係鍾意平靚正迴轉寿司店o既鰻魚多啲...

傻馬必食o既蝦...好甜喎~

傻馬見個名得意話想食...見到實物係咁不停問傻魚點解啲魚仔會咁"透明"...點知啫,唔識答呀...

呢碟係最後一碟.好彩嗌得快啫...

鮑魚都算唔錯...

又點會少得傻至愛o既海膽喇~幾鮮甜...

仲有傻魚好愛o既帶子~唔錯...

呢個好好味...結果食咗三碟...

傻馬間唔中都會食下...都唔錯...

諗咗好耐叫大定中好...結果都係叫咗中トロ...入口即溶,正呀!!!

傻馬唔食o既蛋...麻麻...

呢個又係傻馬見個名得意叫o黎試下...傻馬話好味~

就係呢間...見到好多香港人,仲有一班韓國人同幾位西方人...可能夜咗,好多材料都賣晒...傻馬同傻魚坐到人哋收舖,仲要係最後離開嗰個...食咗十五碟,埋單二千五百円...唔貴,可以返兜~

返到傻家見冇乜嘢做,諗起早排買咗支溝奶o既黑芝麻酒...

即刻整杯飲下.好香,好好味~鍾意黑芝麻o既朋友,試下喇~嘻!