煮飯婆

二零零八年o既第一煮整咗乜?唔計關生上o黎傻家食嗰餐大餐,今年第一煮整咗肉骨茶,第二煮就整咗咖哩...

做煮飯婆真係辛苦...一瞓醒就要諗定晚餐整乜,一陣出去入乜貨.傻魚成日都係諗爆頭都諗唔到,結果把幾火入一大堆貨,跟住將啲材料一鑊熟...完全冇新意之餘,食o黎食去都係嗰幾味...今年除咗要創新之外,仲要研究下營養至得..."煮婦"係一行好鬼高深o既行業.睇怕傻魚得閒要睇多啲食譜,要去深造學下廚至得...今年唔可以再咁懶,要整多啲唔同o既嘢...傻馬返工咁辛苦,冇理由返到傻家要食垃圾o架...(雖然啲垃圾都幾好味...)

過埋今個月,傻魚又可以放兩個月假返香港做大少奶...唔使做就梗係好喇...但係一諗到傻馬真係要食兩個月垃圾就心痛...希望到時老細又會發神經叫傻馬去澳門出差喇...