今日冇出街,留喺傻家執下屋同收郵包...上個星期傻馬又送咗份新禮物畀傻魚...見今日得閒,咪影下相囉...
好鬼得意呀,佢兩隻!!!
今日因為要收郵包,係咁不停落樓望...期間撞到屋主收工返o黎,仲有樓上個住客...第一次見...打咗個招呼...上上落落六七次,等咗成個鍾都仲未見個郵差叔叔...正當傻魚同熊兔影緊沙龍照嗰陣,門鍾響喎...原來係屋主老婆幫傻魚收咗件郵包...真係多謝晒!傻馬呀...今日四點幾打o黎話收咗工喺新宿行紀伊國屋,六點鍾就返到傻家喇...今晚餐飯都唔知整乜好...
個肉餅厚得滯,蒸咗半個鍾都唔熟...費時嘥煤氣,拎咗去叮...呢幾晚啲營養都幾豐富,不過食得比傻魚多o既傻馬一啲都唔長肉...點解喎...唔制呀!!!傻魚唔要再做"闊太"喇~
沒有留言:
發佈留言