喪買...

玩咗咁多日,今日留守家中"靜休"...睇下漫畫,睇下雜誌,咁又一日...四點幾驅車去超市入貨,順便打個電話問傻馬有冇嘢想買...

傻馬話啱行完街,返緊傻家...乜鬼工o黎o架...去到超市一睇...嘩嘩嘩~不得了...即刻撥個輪畀網友甲君問使唔使買餸,叫佢快啲o黎超市...點解?西蘭花一個七十七円,菠菜一包七十七円,四份之一個大白菜五十八円,一大個椰菜一百二十八円...傻魚成個癲婆咁買呀買呀,喪買呀!!!等埋網友甲君買少少嘢,跟住一齊過"企鵝仔"行咗一陣.臨走約實聽日去食晏...返到傻家傻馬已經坐咗喺度...執執雪櫃啲位先...

爆晒~啲菜應該可以食成個星期...其他豆腐,魚,肉就三四日倒...恐怖~

椰菜番茄好甜,就咁食都好味.(小箎,夠唔夠食呀?)個豆腐好清甜,正~傻馬話最正係個湯,夠酸夠辣...今日教傻馬煮冬陰公,遲啲傻魚返咗香港傻馬自己都識整o黎食...