2009年5月黃金週那須之旅(二下)@りんどう湖ファミリー牧場

死唔願走,畀傻馬半推半拉咁"拖"離熊仔館,然後就行去下一個目的地.搭巴士要兩分鍾就到,但係傻魚唔想嘥時間同錢等架巴士o黎.行下停下咁,差唔多十五分鍾後就到咗...

又係牧場~尋日嗰個唔使錢就入得,呢度入場要畀千五円一位...

一啲都唔似牧場...

有火車頭巴士搭...

又可以遊船河...

好靚o既花畑...

砌埋個"代言牛"出o黎...

肚餓要醫肚...喺門口畀完錢就入去坐低等叫號碼拎嘢食...

沙律係任食...傻馬同傻魚就狂隊番茄仔同粟米粒...

原本諗住食右上角個鮮茄意粉,但諗諗下放棄咗...

叫咗個蛋包飯食...右邊嗰杯係凍薯仔湯,幾好飲...

傻馬個豬扒餐...

食完繼續行...

又有花...

買下嘢,買咗兩支奶飲...

真係大到要搭車o架...

原本諗住同傻馬去揸奶,但係傻馬唔知驚乜唔願去...到傻馬諗通咗話想試下嗰陣,名額已經爆滿冇得揸喇...搞錯~

去睇牛仔...呢隻出咗世幾日咋...

順路去睇埋羊仔...

又點少得馬馬...傻魚好鍾意呢隻馬...

行出去又可以餵下羊食紅蘿蔔...

又可以餵牛仔飲奶...

諗住去同狗仔玩下,可惜狗狗今日放假...

呢隻好慘,整親後腳...

真係想去騎下馬...

好靚~

傻魚好鬼鍾意呢個位,好想喺度起返間屋住...

去到湖邊見到超大鯉魚團見人就追,可能以為有嘢食..

去食返條鹽燒鮎魚先...呢條咁細條都要四百五十円...搶錢呀!!!

牛奶好味~

好鬼想買,可惜好大好重...算喇...

上埋個展望台睇下,再去望下有乜買...然後就差唔多夠鍾去搭巴士返駅喇...

唔係搭呢架...呢架係呢度廿幾個景點o既巡環巴士,去唔到駅...由於黃金週加上係週末,周圍都好鬼塞車...結果架巴士遲咗成個鍾至到...傻魚都係第一次喺日本等巴士等咗咁耐...上咗巴士之後原本廿幾分鍾o既車程就變咗五十分鍾...真係天未黑等車,天黑齊至返到酒店附近...又去七仔買便当同零食...

傻魚個晚餐...傻馬就食尋晚買o既杯麵...

喺牧場買咗支蒜鹽...啲奶...飲晒囉...其他嘢喺便利店買o既...
今日勁攰~係咁行咗成日,等巴士又冇位坐...聽日仲要繼續行呀...