冇事忙

今日原本諗住去搵網友甲君...但係一早就收到會計師張水蛇春咁長o既電郵,要傻魚摷返啲文件...搞咗成朝至摷到一半...

好肚餓,炒個飯食先~好耐冇炒飯喇...好味!!!食飽繼續摷...網友甲君冇打o黎搵傻魚,可能網友甲君都唔得閒.下個星期先喇...搞到三點幾終於搞掂,等遲啲再o黎埋其他嘢,搞埋應該都完喇...整下呢樣,搞下嗰樣,都唔知忙乜...咁又一日喇...

晚餐超簡單.喺雪櫃拎返煲薯仔燜雞出o黎攤返室溫,然後煲返熱.再煲個三絲魚翅湯,傻馬開心死.切埋個不知名魚刺身,再叮熱個高級玉子燒...搞掂!開飯~個玉子燒幾好味,唔會太甜.認住佢睇下搵唔搵得返先.