買醉

今日做完啲家務之後就不停上網...購物!買咗條褲,呵呵!上網上到對眼勁攰...搵下其他做下先...做乜好呢?執下個廚房,尋下寶都好喎...摷又一樣,搵下又多一樣...嘩~乜收埋咁多嘢o架...好在都仲未過期仲食得啫...要乍乍林食埋啲嘢至得...嘩嘩嘩~原來雪櫃頂仲有支香檳喎...即刻開雪櫃執返個位雪凍支香檳先...
真係要定時定候執下啲嘢,尤其係個廚房同雪櫃.天氣開始熱,啲湯包同乾貨要擺入雪櫃喇...幾經辛苦至執到啲啲位實晒入去.真係唔可以再咁樣入貨喇...太爆個雪櫃雪唔到嘢,啲食物會好快壞...
都係快啲清返位出o黎至得...尋日入咗個金目鯛大魚頭,魚就梗係要快啲食咗先喇...順手清埋盒番茄...

整咗個番茄魚頭湯,好鮮味!!!開香檳就梗係食西餐喇...(原諒傻魚的膚淺!)煎咗塊雞扒,煮咗個芝士西蘭花茄汁螺絲粉.

之前喺飛弾高山買咗包飛弾牛漢堡扒,整返熱,煎一煎個面,再配返個蒜茸醬汁...開埋支紅酒香檳,正!!!傻馬話個漢堡扒本身都好夠味,加埋個醬就咸咗啲喎...乜傻馬都會話咸o咩?奇怪...飲咗一杯啫..."番茄頭"傻馬就話醉喇...搞錯呀...又話要學飲酒...仲有半支喎...留返下次飲,啫係幾時呀?買醉?實冇傻魚份!(快啲掂住舊木先...)嘻!