一包六人份己切刺身(尋晚食咗),一包四人份未切刺身,兩包甜蝦(尋晚食咗一包),一包鯵刺身,一包唔知叫乜o既光物(魚)刺身,三包各三隻拳頭咁大o既蛤,一包未切o既吞拿魚"磚",一包三孖明太子,一大嚿玉子燒...應該係咁多喇...係咪痴線呀?!!真係驚啲魚生會壞食到痾...
講返個玉子燒先...個玉子燒唔係喺西口間超市買o既...喺西口京王線附近有個位,經常會有唔同o既展.尋日傻馬經過嗰陣咁啱見到做緊日本各県啲特產展,走咗入去望咗一望之後就買咗個玉子燒.成五百円個傻馬都買,話試過覺得好味又知傻魚鍾意食,所以買個畀傻魚.傻馬仲話今日係最後一日,叫傻魚去睇下有乜嘢執喎...去到...多人到行唔到...勉強行咗一圈,頂唔順走人...打畀傻馬問有冇嘢想買,冇o既傻魚就即刻離開個"人海"...可能係最後一日仲有三個鍾就完,啲人迫到真係好恐怖.
一場出到街,冇理由行咗四個字就返歸o架?!!走咗去小田急買叉電面膜,跟住去行下新開嗰間"要你苦惱"旗艦店.行完幾層,無無聊聊咁又睇唔啱喎...算喇...行返傻家吧喇...結果今日真係去"行街".
今晚梗係繼續清刺身喇...切咗個四人份刺身,開埋包甜蝦...好想食個玉子燒添...開埋佢囉...
就係呢盒喇...
唔煮飯,整蕎麦,再清埋個"餓釘"...好鬼飽呀~
飯後隔咗一陣,清埋個西瓜...個雪櫃終於唔會跌嘢喇...不過都仲係好緊要爆...怕怕~
沒有留言:
發佈留言