洗洗曬曬

今日傻馬話想去秋葉原,傻魚梗係留守傻家喇...所以傻馬就一隻馬去做"電車馬"喇.傻魚望住啲被舖...終於都係忍唔住動手換鬼晒去,順手曬埋張床褥.跟手洗埋啲枕頭套之類...咁就玩咗半日喇...張會焗熟人o既羊毛被就留返聽日至洗...仲未完全復原o既元氣就咁透支晒...
咁攰又邊仲有力煮飯喎...(藉口)梗係整啲快靚正o既就算喇...橫掂阿傻馬哥對食都冇要求,最緊要有支椒鹽傻馬就會食得好開心...整乜好呢?

咖哩呀!!!今次混咗少少白汁磚同少少椰奶落去,幾好味喎...下次買幾隻唔同牌子o既咖哩磚,試下混一混先...呵呵~