新宿花園神社例大祭

一早起身見到出面落緊雨...咦?!!今日有祭喎...落雨會唔會取消o架?食咗個"爆懶池",兩條友擔住遮漫步去花園神社...去到...水靜河飛o既...可能真係取消咗...算喇...去東口行下囉...經過"醫死丹"...咦咦咦...咁多人o既...

排緊隊喎...啲神輿...

啲人喺"零一零一"門口避雨...

等等下...開始喇~

抬喇~抬喇~

各人各就各位...

起鑼!!!

等燈過馬路...過完一個等下個...

阿"話事人"把遮好型呀!!!

一隊接一隊咁起行...

上年傻魚冇o黎睇,傻馬話上年啲人大打出手,場面好混亂.好在今年相安無事...

阿叔阿嬸見有人舉機,即擺定個"靚姿"畀人影...

去到某個位,六座神輿分道揚鑣,傻魚同傻馬就行返去花園神社...落雨冇乜人,啲屋台拍蒼蠅好慘~

o黎參拜o既人都少咗...

行行下畀傻魚見到"屎的仔"...個頭搞乜鬼咁"彩色"呀?
磨咗一陣見冇乜嘢睇,不如去醫肚囉...去邊度食乜?下回自有分曉~呵呵!