飽到嘔...

今朝睇電視新聞,啲豬流感好勁呀!搞到傻魚唔多想再繼續睇落去...原本諗住出街買嘢,諗諗下都係留喺傻家"生菇"算喇...聽日開始傻馬放五日假,又出遊喇...睇睇下雪櫃...仲有好多嘢未清喎...再望望個櫃頂...

早幾日買咗四個王林同一個青森大蘋果都仲未食...點算?擺入雪櫃先囉...五日啫,應該唔會生蟲o既...
雪櫃其他啲材料就...

一鍋過...裡面有乜?睇睇先...有薯仔,紅蘿蔔,洋蔥,西蘭花,水菜,西生菜,生冬菇,金菇,本菇,燒豆腐,雞肉,枝豆薩摩揚げ,闊條粉絲...應該係咁多,冇數漏...個釜白飯呢,係因為啲舊米凈返唔夠半杯,唔知點好,結果就用之前出遊後帶返o黎o既便当釜o黎煲飯...由於個鍋太大"鑊",所以個飯就雪起留返以後炒飯用...今餐真係飽到差啲嘔...鬼叫傻魚"快樂不知時日過",冇留意就o黎要出遊就亂咁入貨...仲有尋日屎忽痕煲o既喳咋...真係唔知點算好...
後記: 十一點幾走咗去"企鵝仔"買日用品,順便買返幾個口罩傍下身.啲口罩冇得揀,得返兩款,真係好賣...嗰煲咋喳就雪咗入冰箱,遲啲遊完返o黎至食...