湯島天満宮例大祭

話咁快又到週末,又係去睇祭o既時候喇.搭"綠線"去到御徒町...好肚餓添...醫肚先...見到有間之前喺新宿食過o既海鮮丼店...就佢喇...

傻魚又叫返上次嗰個三文魚腩炙丼...好味~

傻馬就食呢個魚子蔥吞拿魚丼.食完就行過去湯島.

去睇呢個祭.

開始咗喎...

每個鼓手輪流打鼓...

靚手鼓手...

耍鼓棍...

打得好開心...

咁就完喇...原來今日係啲細路抬神輿,聽日至到啲大人...冇嘢睇添...

周圍行下睇下...

阿妹妹好勁...聽聞有人喺呢檔嘢最高記錄撈到七十九條金魚,攞埋證書添...

屋台...

燈籠...

姐姐回收緊錢箱啲錢...

好特別o既燈...

添得"燈油錢"多,就會喺個紅燈籠度寫個名...

兩間嘢中間有條橋,好得意...

離開間寺途中見到啲細路打鼓...

呢座就係細路o既神輿...其實都係啲大人抬...
冇嘢睇咪行返去上野,諗住買乾瑤柱...睇完傻馬話唔好買喎...行過見到啲蟹,好大隻賣一千円...傻馬即刻話買,然後買咗一包兩件蒲焼鰻魚畀傻魚食...o黎到上野就梗係買去買大餃子喇...買完就慢步行去秋葉原買碟,然後搭"綠線"返傻家.途經書店走咗入去買雜誌,再途經藥房去買少少日用品...行到兩條友散晒...

傻馬就係買咗呢隻蟹...好大隻...個碟其實係微波爐個盤...

見唔見啲蟹籽呀?多到傻馬食唔晒....

傻魚唔食蟹,煎咗啲大餃子,整咗個肉碎撈麵同雲吞雞湯食.傻馬食完個蟹已經飽,再食埋個撈麵,加一隻大餃子同半碗雲吞雞湯...飽到想嘔喎...啲肉碎好好味呀!可惜傻魚下次未必可以整得返...