尋日好多人坐喺度,今日冇人,即影個全景先...
今日搭呢架無料巴士...去購物...呵呵~
去到...好似冇乜人咁o既...
水靜河飛...無理由o架!
好多嘢都想買...但係結果都係忍手唔買...
越來越多人...去買咗對"鱷魚仔拖鞋",再去買咗件衫仔畀嫲嫲隻"拉布仔"...冇理由咁偏心o架...結果買咗兩件衫仔畀嫲嫲隻"松鼠仔"...冇偏心,同價o架...嘻~
去"超市"買下特產先...點知就出事喇...令到今個旅程得唔到個完美o既結局...
一入門口就見到隻牛...
想食,不過東京都有就費時買喇...
檸檬牛奶,飲完會唔會肚痛o架...
咁近宇都宮又點會冇餃子喎...
最想買o既兩樣嘢...見到都流口水...搵下先...
呢啲都係糖,要o黎灑喺面包度焗o既...都可以試下喎...諗諗先...行行下有條友走過o黎同傻馬講唔可以影相.傻馬即刻起火,好似畀條友殺晒全家咁,不斷爆粗,又大力拍人哋啲櫥窗...嚇到傻魚想喊...即時乜都唔想買,只係想快啲離開間嘢,同離開傻馬遠啲...快步係咁行係咁行...
有幾靚o既景都冇用...傻馬死跟住傻魚,仲問傻魚做乜唔買啲布甸...嘩~大佬呀!畀人嚇死咗點買呀?行咗一陣,去睇動物...
o黎到呢度都見到羊仔...
佢哋全部都係來自動物王國o既...
都係尋日嗰隻羊駝得意啲...不過呢隻都唔差o架...
瞓咗...
好可愛呀...
呢隻好黐傻魚...唔通傻魚特別吸引啲松鼠狗?!!過隔離玩兔先...有人仲未"癲"完,好大力咁關人哋啲鐵門仔,仲整親傻魚隻手...
咁啱係開餐時間...好好味咁喎...
最衰唔畀抱喇...肥嘟嘟好得意...
呢隻係咁追住傻魚要草食...
真係好鬼得意...
又搵傻魚要草...呢隻係另一隻...
睇咗一陣,肚餓添...但係條友仲"癲"緊...唔理喇...返正話個"超市"度,等咗差唔多四個字...
傻魚個茄汁蛋包飯...好好味呀~
傻馬個紅酒牛肉汁蛋包飯,跟沙律同湯...傻魚食完自己個沙律,但係個湯就飲咗一半畀傻馬飲...傻馬飲完杯湯掟杯喎?!!搞到周圍啲人以為傻馬同傻魚嗌交,係咁望住晒...喂!自己發癲好喇,唔好失禮傻魚好喎...差啲喊出o黎...
食完再行一陣,其實係冇心機睇嘢,莫講話買嘢喇...總之就係行快啲,行喺傻馬前面冇眼睇...搞到傻魚勁攰,散晒咁滯...之後搭返架無料巴士返駅拎返啲行李.由於傻馬仲"癲"緊,傻魚唔想行李啲嘢爛晒,所以就一條友拖一件,孭兩件再拎兩袋...辛苦到呀...去便利店,傻馬買奶同檸檬汁...磨到差唔多時間就入閘...
等車...由傻馬開始發癲之後,傻魚冇開過口講嘢...費時講錯嘢畀人炳...
電車o黎喇...上車搵個位坐低瞓下先...一程直到上野,再轉"綠線"返傻家...落雨濕濕...結果梗係傻馬拎返最大件嗰件行李喇...
今日傻馬喺那須塩原駅間便利店買o既...執完嘢,休息咗一陣,沖埋個涼...
傻馬:「嘻嘻嘻...傻魚!」
傻魚:「做乜呀?嬲完發完癲喇?」(開始忍唔住眼濕濕)
傻馬:「冇呀...」
傻魚:「嚇親傻魚喎...點算?」
傻馬:「使乜驚喎...傻馬唔會發傻魚脾氣o既...」
傻魚:「好似想殺人咁,係人見到都驚喇...(繼續喊緊)」
傻馬:「係見到有人做錯嘢至會狂鬧...一定唔會鬧傻魚,放心喎!」
傻魚心諗,真係好驚o架...點知會唔會癲起上o黎一嘢車埋o黎o架?!!
唉~好小事啫,使唔使發咁大脾氣呀?傻馬到依家都仲未知個問題喺邊...傻馬,係時候要學下點駕馭自己啲脾氣喇...需知道,要做大事係唔可以有脾氣o架...下下都動氣仲邊可以好理智咁處理啲大事呀?呢啲咁小o既事,一笑置之囉...耍個冧,轉頭再影過囉...使乜咁嘥氣力去發嬲呀,係咪?
沒有留言:
發佈留言