打波

尋日傻馬已經不斷提傻魚,話今晚要早啲食飯,因為要去打波.又話唔使搞咁多嘢,求其簡簡單單煮個麵就得...傻魚係個"飯桶",雖然都鍾意食麵,但係就唔多鍾意晚餐食麵...諗咗半日,傻魚都係決定煲飯...諗起仲有盒五目雞炊込,可以煲多啲飯留返聽日午餐...四點幾煲咗煲"奶奶靚湯",五點幾浸米...傻馬話六點九會返到,所以傻魚就六點開始煲飯.平時都係半個鍾多啲就煲起煲飯,今日就煲咗差唔多一個鍾...可能太煲咗,要煲耐啲.傻馬等咗一陣,不停間幾時可以開飯.傻魚就畀咗碗湯畀傻馬飲住先,啲飯一好就即刻整一細碗畀傻馬食.傻馬食完即刻驅車去打波...

傻馬出咗出門之後,傻魚慢慢嘆個飯.真係好味...傻魚食咗兩碗...呵呵~呢個碗係喺那須間熊仔館買o既...
個幾鍾頭之後傻馬返o黎話今日冇得打喎...吓?冇得打波都可以去咗成個鍾?!!傻馬話同啲人傾咗陣偈喎...正話食咗少少飯梗係唔夠飽喇...叫傻馬自己整多碗飯食,傻馬話啲飯太乾唔食,走咗去煮麵喎...哼!唔食咪唔食囉...留返傻魚聽日自己食!
通常傻馬都係週末至去打波,好多時因為有其他"節目"而放棄唔去打.難得有波打去到因為唔夠人冇得打,傻馬都有少少唔開心.不過唔緊要喇...等到週末再去打囉...又唔係以後都冇得打...打乜波?籃球囉...嘻~