長命雨

一連落咗三日雨都仲未停,好在尋日朝早見冇乜雨即開機洗咗一機淺色衫啫.如果唔係,遊完之後嗰座"臭衫山"實燻臭間屋...出遊前清完個雪櫃之後都仲未入返啲貨,係時候去補倉喇...
就住就住o黎買,費時又塞滿個雪櫃...可惜呢樣又想食,嗰樣又想買...都唔係買咗好多嘢啫,都唔明點會買咗三千一百幾十円...見到塊西冷扒賣二百九十八円,今晚就煎扒喇...

傻馬個西冷扒,配鮮茄螺絲粉同鮮什果沙律.

傻魚個煎雞塊...個鮮什果沙律o既材料有青森紅蘋果(粉o既...),青森王林,牛油果同士啤多梨,撈柚子蛋黃醬.好味~
聽日好似冇雨,可以洗衫喇...天氣開始熱,係時候幫張床換返啲"夏裝"至得...