入貨日

話咁快又到星期二,又係去入貨o既時候喇...今日早咗,兩點幾就去超市...經過一百円店,好似有嘢要買喎...入去行下先...磨咗成個鍾,買咗三樣嘢...去到超市,冇乜人喎...可以慢慢行,幾好呀!唔...買乜好呢?近排失憶症又發作,諗唔起個雪櫃冇乜...啊~買蒜頭!但係搵極都唔見啲蒜頭...明明之前不嬲都喺擺喺嗰個位,點解冇o既?咁大間超市冇理由冇蒜頭賣o架...唉~算喇...下次先買喇...
買咗磚燒豆腐,一包炸豆腐皮,一包蜆,雞肉碎...咦?!!西瓜喎...仲要係起晒沙嗰隻...四份一個賣三百九十八円,唔算貴喎...見到對眼已經發晒"青光",梗係買喇~開心到之後買咗啲乜都唔多記得...就咁抬咗三千三百幾円貨返傻家...
唔知點解,近呢年幾入親貨都幾千幾千咁...以前都係千幾千幾咋...物價升咗咩?定係傻魚開始敗家買貴餸?可能係買多咗...得閒要返查返啲舊數研究研究至得...

懶人至愛,一鑊熟!呵呵~

飯後就梗係切啲冰凍西瓜食下喇...呢度係一半...甜到呀...個人即刻"涼"晒~嘻!好味好味~