痴線o架!!!

見個雪櫃有好多榨菜,傻馬成日都唔記得食.前日買餸嗰陣買咗豬肚,今日就煲榨菜豬肚湯.傻魚驚啲豬肚唔夠腍,所以就用個土鍋o黎煲,仲要預早煲多幾個鍾.之後就順手整埋個"餓釘"...用咗濃口醬油,搞到啲蘿蔔"上晒色"添...好在啲味都還可以...
七點幾都仲唔見傻馬返o黎,傻魚費時畀傻馬話煩,所以就唔"電"傻馬.七點半傻馬自動波打o黎,話喺西口間超市捕緊平嘢.傻馬問傻魚有冇乜想買,又問傻魚買唔買唔知乜魚...傻馬想食咪買囉...收咗線,計啱時間準備開飯...傻馬大袋細袋返到o黎...傻魚見到差啲暈倒...痴線o架!!!使唔使買咁多刺身呀?點食得晒呀?留返聽日都食唔晒o架...癲咗咩?!!傻馬凈係不停咁笑...大佬呀!!!個雪櫃邊有咁多位擺刺身呀?仲有磚豆腐同玉子燒添!救命呀!!!傻馬真係笑得開心喇...難為傻魚開住個雪櫃門左執右執,幾經辛苦至塞晒啲嘢入去...依家開雪櫃要慢動作,仲要係一開會有嘢跌出o黎...個頭勁痕呀!!!

即刻開咗包最大o既食咗先...食完飽到上心口,搞到傻魚食唔到清涼超甜西瓜!真係痴線o架!!!(欲哭無淚中...)