九龍點心放題

睇完祭,好肚餓添...食乜好...傻馬話想食點心放題講咗幾次...好喇...雖然傻魚唔係幾想,但係都要就下傻馬...

去咗東口七樓呢間叫九龍點心o既...點心係推車仔,其他小食就要出去拎...

第一轉,摶晒老命咁...

車仔一埋o黎就叫咗三籠點心...算少o架喇...

之後,再叫多燒賣...傻魚贈呢籠燒賣兩個字...難食!!!

傻馬第二轉小食...樣樣都係"傑撻撻",啲麻婆仲要係勁重香辛料...如果有人試過"你敢記"嗰包麻婆豆腐醬o既話,係一模一樣嗰個味...傻魚唔係咁鍾意...

第三架車係包點...個叉燒包...完全唔係嗰回事...

壽桃個餡唔係蓮蓉,係紅豆蓉...麻麻地...

呢個"辣椒蝦"係日本人心目中o既"最喜愛中華料理"之一...又係"傑撻撻"o既...

店內啲裝修都唔錯...都有人龍o架...

七十分鍾好快就到...食完...完全滿足唔到傻馬條"點心癮"...算吧喇~返香港至狂食喇...呢間嘢...個評價係三個字食...唔好食~唔會有下次喇...真係想食又等唔切返香港o既話,富貴啲去六本木返兜上次嗰間囉...傻魚諗緊...係咪需要整多個分類叫"垃圾桶"呢?好似好衰咁...算喇...做人都係要有品德好啲...嘻~