山ちゃん

落雨濕濕,加上遊完極攰,今日個人唔多在狀態.約咗網友甲君食晏,咁耐冇見再攰都會蒲頭...去咗千葉某大商場食咗個好有益o既自然食放題...唔記得帶相機,所以借咗網友甲君部相機o黎影.等網友甲君得閒過返啲相至放上o黎.傾下講下,食完再行下,話咁快又四點幾五點喇...同網友甲君講拜拜之後就搭電車返傻家...先喺附近書店打下書釘,買下雜誌先...
點解咁好閒情打書釘?因為今晚唔使煮囉...呵呵~返到傻家見到傻馬已經返咗o黎,坐下又一齊擔住把大傘出去搵食...

今次係去食呢個傻馬講好耐話想食o既炸雞翼...

好在都仲有好多其他嘢食...

個筷子套有圖教人點食雞翼...

傻魚好鍾意呢個炸蓮藕...可惜啲鹽落得唔平均,頭幾塊勁咸...

呢個就係鎮店之寶o既炸雞翼.傻魚嫌啲胡椒粉落得勁得滯,傻馬就勁話好味...呢度係二人份...十隻...

傻魚至愛o既炸雞...

嗌咗個芝士蛋奄列,都幾好味...

傻馬食完都仲覺唔夠喉,外賣咗一人份炸雞翼返傻家慢慢嘆...傻魚就...都仲未食完個喉嚨已經開始痛緊...一返到傻家即刻叫傻馬整杯花旗參飲,下下火...幾驚失聲兼流鼻血呀...其實都幾好味,可惜啲椒鹽味完全蓋晒啲雞味...對於鍾意食濃味o既朋友就啱晒喇...好似傻魚咁淡口o既就唔多啱...所以呢間傻魚唔會再去食,受唔到...傻馬想食就外賣返傻家一條友慢慢嘆喇...