2009年5月黃金週那須之旅總結

今次呢個黃金週之旅雖然日日都狂行,但係都算係舒服嗰隻.起碼唔使趕住趕住,天黑就收隊返酒店.由於係長假期o既關係,周圍都係人同車...傻魚一見到啲人海就驚...除咗巴士遲到同有人"發癲"之後,今次都玩得好開心.其實今次日日都有動物睇同玩,應該改名叫那須動物之旅.見到啲小動物畀啲細路"糟質"就心痛...另外,晚晚都食便当,依家去便利店見到啲便当就驚...傻馬已經開始諗,下次去邊好呢?

仲有另一間喺伊豆高原,依家有龍貓展,好想去呀~

第二日熊仔館入場券.

第二日牧場張入場券.

周圍去搵印仔,仲答埋啱晒啲問題,換o黎o既就係兩支筆...(反眼中)好在都仲返張嘢留念...

最搵笨就係第三日呢個野生動物王國...入場二千六円咁貴...

仲要另外畀多一千円買車費(上)...一人三千六円,睇半個鍾都唔知有冇...仲唔係搵笨!仲有,想餵動物又要另外畀錢買"糧"...送包畀人都好呀....食水真係深...下面嗰張係第四日去動物王國張飛...

第三日去お菓子の城,入場係唔使錢o既...不過佢後面個お花の城就要畀錢入場.啲花好靚,都低o既.

頭幾日唔記得帶呢啲卡仔出街,結果得呢張最靚仔...

就係呢張嘢,令傻魚慳返幾百円.下次要記住去觀光案內所拎晒呢啲優惠券至起程.
今次使咗幾錢?兩條友食咗一萬七千六十五円,買咗二萬五千三百二十三円...酒店就好平,四晚連早餐都係二萬一千円兩個人.交通費,包埋來回東京就用咗二萬四千一百六十円...入場費就使咗一萬四千六百円,另外仲有儲物櫃五百円...總共使咗十萬二千六百四十八円.算平喇...經濟唔好,遊完返o黎又要慳啲使喇...唉~