黃雨中森巴

傻馬今日又帶住傻魚出巡...出門口嗰陣落緊雨,不過傻馬話唔緊要,雨天決行喎...

去到淺草,冇雨...

陽光普照,個個"鬆毛鬆翼"...

冇幾耐開始烏雲滿佈...

繼而傾盆大雨...

黃色暴雨警告...傻魚成有遮都濕咗半邊身...

個個變咗落湯雞...

仲差啲搞到毛都冇埋...

之後啲雨就停下落下咁...

雨中燒豬?!!

差唔多到尾聲...

冇雨喇...

啲毛又鬆返喇~
睇完都成六點幾,返新宿搵嘢食...

去咗牛牛間餐廳...

傻魚個扒餐...啲牛肉畀咗傻馬食...

傻馬個西冷扒餐...食飽行返傻家...仲有兩日,執埋啲行李先...

收到喇~~

尋晚返傻家嗰陣開個信箱一睇...嘩!收到喇~今次真係快...收到乜咁開心?咪個簽證囉...今次一個星期就收到通知可以去攞簽...所以今朝好早起身去入管,等咗大概半個就搞掂.然後去区役所更新啲資料,順便去旅行社幫傻馬問啲嘢,跟手又去時代行下.搞掂晒所有嘢就去上野幫蝸牛小姐買嘢,順便買埋大餃子然後去食埋個晏...行到三點幾就去搭電車,然後兜去超市買嚿瘦肉至返傻家.

仲有一餐就清晒啲舊貨,淨返啲傻馬識用o既材料.聽日又有街去,但係啲行李都仲未執添o架...
後記: 仲諗住會落成日雨,點知去到上野竟然出太陽喎...曬到傻魚暈暈地...

壽星馬送禮

生日快樂!!!
一齊過咗八個生日,係得今年冇餅食...冇計喇...時代地下啲西餅太貴買唔落手之餘,咁貴買咗會畀人鬧o架嘛...呵呵~不過唔緊要喇,食個寿司放題補返數.今次唔挑戰記錄,食夠就走.費時好似上次咁畀錢買辛苦.
送咗一張生日卡咁大把,但係就心意搭夠.返而係壽星馬送咗張毛座椅畀傻魚.無他o既...因為無分彼此嘛~哈哈!
希望o黎緊可以一齊過最少一百二十個生日,一齊食一百二十個壽餅,一齊嘻嘻哈哈笑大家甩髮冇牙,一齊手拖手渡過歡喜憂愁...最重要係健康快樂咁過每一日!!!

倒數五天

落咗幾日雨,今日出奇地放晴...仲諗住會落到星期六添...太陽伯伯蒲頭,就梗係乍乍林洗衫喇...雖然四點幾又開始天陰陰,好在都冇再落雨...洗衣機喺露台出面真係好唔方便...下次搬屋一定要搵間室內有洗衣機位o既屋至得...
仲有五日就走,今日留喺傻家執下嘢.唔知點解呢幾晚都瞓得唔好,搞到周身痛...可能係因為天氣潮濕啩...摷下個雪櫃見有包清保涼,即刻煲...

今晚又係冬瓜湯飯,兩日食晒一個冬瓜仔.費時留返啲傻馬唔識整o既材料益垃圾桶喇嘛...聽晚唔使煮,後日煮多一餐應該可以"收爐".聽日同後日都會出街幫林生同蝸牛小姐買嘢.好似好忙咁...但其實都唔知忙啲乜...時間呀時間...麻煩行慢啲呀,唔該~

聚餐

今日約咗網友初春,網友靚仔媽,靚仔同網友甲君去聚餐.喺駅會合之後就先去行陣街,然後去食晏...

叫咗個薄餅大家一齊食,另外每人再叫個意粉...點知...

傻魚叫咗個芝士番茄汁雞意粉...一擺低...捉蟲喇...咁大碟,點食得晒呀...早知咁巨型就叫一個意粉兩份食喇...即刻問靚仔試唔試下,畀咗少少靚仔食至勉強食得晒...

跟餐甜品係蛋糕...傻魚要咗件意大利芝士,網友甲君叫咗芝士蛋糕,兩件西餅一人一半...食完個個飽到上心口...
食完轉場去行另一個商場,網友初春帶大家去"放血"...傻魚都有斬獲.行到三點幾就散隊喇.同網友甲君一齊返到新宿之後就去超市買餸,然後傻魚走去"企鵝仔"抬咗包米返傻家...落雨濕濕要拎遮又要抬冬瓜,椰菜,牛奶,雞蛋,雞肉...加埋包米,真係好攞命...喺超市買唔到方包,諗住去便利店買...但係咁o既情況,真係有心無力.返到傻家擺低啲嘢之後就打畀傻馬叫傻馬返o黎嗰陣順手買方包.抖順條氣都仲未諗到今晚食乜好...好攰唔想搞咁多嘢...

喺冰箱摷返嚿大トロ,然後煲水烚雞鎚...啲"雞湯"就用o黎整冬瓜湯飯,而啲雞鎚就落啲椒鹽去烤...又係樣樣都啱晒傻馬口味...但係點解傻馬食咁多都仲係唔長肉o架...激死!!!

倒數一星期

今日落咗成日雨,舒服到邊度都唔想去...再加上一連兩去原宿"企街"企咗半日,攰到散晒...正好可以攤抖下,攞正牌做條大懶蟲!望望個月曆,仲有一星期就返香港...今次冇上一次咁"悲",不過如果有得揀就梗係唔想一條去走喇...好在傻馬會喺兩個星期後返香港過中秋...
冇去買餸,又有機會清下倉喇...摷下個雪櫃,見到四個熟透o既番茄...

番茄湯飯,快靚正!最重要係,傻馬鍾意食喇嘛...嘻...仲有四餐飯要煮...煮乜好呢?

第八屆原宿表参道元氣祭(二)