"軟"開業

尋晚返到傻家沖個靚涼諗住早啲瞓...點知有條友睇奧運唔知乜項目,睇到係咁狂呼喎...喂,大佬呀!!!三更半夜,擾人清夢呀~咁嘈點瞓啫...
今朝好早就醒咗,但係就好攰唔願起身...原本諗住去"迪迪海",咁o既狀態唔多掂喎...最好都係食完個早餐又瞓過.兩隻爛瞓豬瞓到三點至起身,煮個麵仔食完就準備出門口.今晚傻馬個客又送咗兩張飛畀傻馬同傻魚去睇表演,因為今晚係"軟"開業.個表演雖然睇咗兩次,但係都好精彩同埋加咗少少新驚喜.做完啲觀眾係咁拍手,全場起立狂拍咗好耐...啲演員出o黎謝咗三次幕,傻魚拍到對手痺晒...
睇完表演就搭專車去銀座,個劇團包咗場開派對.

好多人,好嘈,啲音樂又大聲...傻魚見啲人仲未到齊,乍乍林食啲嘢先...

越來越多人,迫到水洩不通...周圍同人打下招呼傾下偈,好開心~一人飲咗三杯嘢,見時候唔早驚冇車,所以就走先...其實傻馬唔多願咁早走,不過又唔願使錢搭的士返傻家,唯有心不甘情不願咁離開...鬼叫傻馬聽朝仲要返工咩...冇計喇...好在今朝冇去"迪迪海"咋...