好天氣

呢兩日啲天氣都好正...尋日全日天陰陰,啲風吹埋o黎真係好舒服...傍晚場大雨落完之後啲空氣好甜...尋晚傻馬收八點,返到傻家九點半即刻有飯食...

快靚正o既咖哩...超市做特價o既地中海咖哩,貪得意買o黎試下...又幾好味喎...關生,咖哩呀!!!嘻~
今日o既又氣都係好正...廿幾度,陰天...啱晒"唔見得光"o既傻魚.見咁好天,一條魚漫步去新宿,兜去時代,順便買埋日用品再漫步返傻家...真係舒服...行咁耐,一滴汗都冇流過...原本約咗網友甲君一齊去食串燒,可惜傻馬遲收,網友甲君食完至返到新宿...冇計...唯有再約過囉...傻魚驅車出新宿會合傻馬,然後走咗去西口食迴転寿司.間寿司店都差唔多收,冇嘢轉緊.想食乜就直接同個師父講,即叫即整正到痺!!!食完之後就推住"愛驅"返傻家.今晚要早啲瞓,傻馬話聽早要早啲起身去睇祭喎...