忍無可忍

一連玩咗四日,乜電都放乾放淨...今日起身之後都冇乜精力同心情諗去邊.留喺傻家巡下網,睇下電視咁...晏晝煮麵嗰陣係咁望住個煮食爐,傻魚忍!!!食完洗碗嗰陣又望住個煮食爐,傻魚再忍!到咗五點鍾煲落飯之後,終於忍無可忍郁手拆個爐o黎洗!傻魚都忍咗好耐,死懶唔願洗...叫傻馬洗,傻馬梗係唔會睬傻魚喇.洗完個煮食爐,又忍唔住手洗埋個灶頭...順手洗埋個洗碗盤...就係咁洗下洗下,洗到傻馬放工返o黎都仲未洗完.餐飯就梗係仲未煮喇...洗完乍乍林煮飯,搞到九點至有飯食.

大前日失敗咗,今日再接再厲~得咗喇!!!好味~傻馬不停用番茄汁撈飯.個通菜落得太多腐乳,咸咗啲...不過係傻馬指定要落三磚o既...結果傻魚食咗幾條就畀傻馬食晒成碟.
近排傻馬睇奧運睇到好激,鬼殺咁嘈喎...使唔使咁肉緊呀...好在日本啲電視淨係播日本有份參賽嗰啲啫,如果唔係真係唔使瞓都似...