再嚟三人派對

今日冇街去,成日喺傻家無所事事...同關生喺網上傾咗一陣,跟住又同網友甲君傾.網友甲君話近排成日係咁食,冇乜額淨,所以今日唔想食牛扒.唔食牛扒咁食乜好呢?中餐煲個湯?網友甲君話要清雪櫃,咁傻魚就問甲君個雪櫃有乜...網友甲君話有西蘭花,紅蘿蔔,蒸雞同埋番茄紅蘿蔔豬肉湯,仲話傻魚可以唔使煲湯,但係就唔知點拎啲湯過嚟...咁傻魚就話晏啲拎個吉煲過去,仲叫網友甲君帶西蘭花同紅蘿蔔.講講下網友甲君話啲湯好似唔多夠,唔緊要喇...傻魚煲湯囉...之後出去"企鵝仔"買啤酒,順便去"牛牛"買瘦肉煲湯,又順便去超市買生果...見到蜆幾平喎...可以加餸~一如以往,買下買下又一大袋咁返傻家.

尋日食完西餐,今日食中餐.係咪好似好隆重咁呢...手痕發姣玩下嘢咁啫...

咦?!!唔見西蘭花同雞扒o既?雞扒係尋晚o既,返叮緊...個西蘭花就...網友甲君"話"佢個西蘭花喺半路碌咗落街,費時執返喎...咁咪少咗一味囉...好在加咗餸...

包呢個生春卷淨返o既餡料,青瓜絲紅蘿蔔絲雞絲,最後喺上埋枱...因為網友甲君話啲雞絲就咁食都好好味.又因為傻馬拎咗支勁好味椒鹽o黎點個雞扒,網友甲君試完個椒鹽之後完全上晒癮...結果咪係傻魚望住傻馬同網友甲君一人一下係咁落椒鹽,非常搞鬼...
飲飽食醉,網友甲君自告奮勇話要去洗碗...網友甲君話今日畀傻馬放一日假喎...傻魚拆完個廚房要網友甲君去砌返,真係唔好意思.洗完有飯後果,日本香桃食.呢兩個桃擺喺雪都有一段時間,擺入口真係甜到呀!!!真係最佳食用時間呀!
快樂o既時光總係好快就過,唔知幾時有機會再嚟多幾次...
同場加映:

每次出遊一見到就會執返傻家.原本唔止咁少o架...有啲喺旅途中畀傻馬整爛咗,有次傻魚吸塵嗰陣唔小心吸走咗幾個細o既...網友甲君見到呢堆嘢話好靚,叫傻魚影低.