神宮外苑花火大会

今日又有煙花睇...見順路就去原宿幫關生買嘢,然後一條魚去麥記食個下午茶.等到咁上下時間就打畀傻馬,約實喺邊會合.慢條斯理行去會場...咦?!!有人排隊買飛喎...問下傻馬買唔買先...傻馬話上年冇買飛都搵到靚位,唔使買喎...傻魚見仲有時間,咪行去駅等傻馬囉...七點三,終於見到傻馬.仲有十五分鍾就開始,乍乍林跟住啲人流去搵靚位...行行下就見到啲煙花開始放...原來係去錯地方.即刻快步行返轉頭...

幾鬼多人呀...個位好靚,使乜畀錢買飛入場睇呀...

嘩~

好靚呀~

唔錯唔錯...可惜個壓軸唔夠氣勢,仲度令人誤會早一段係壓軸,搞到有好多人走咗...睇完之後去睇下啲屋台有乜食...

呢位姐仔擺定個姿勢畀人影,真搞嘢...買咗個牛油薯仔之後,傻馬話不如去新宿食放題...是旦喇...寿司放題?唔...有冇其他選擇呀?有...

呢間就係上次傻魚同網友甲君去食過覺得好正嗰間...

個格局好正,好舒服.

呢度唔用一般日本餐廳嗰啲埋單紙仔.呢度係會擺條鎖匙喺張枱度,好似酒店房匙咁.個放題係包埋飲品,但係如果另外叫啲有料o既酒精飲品,就會扣啲牌仔落條匙度.埋單嗰陣就拎住條匙出去門口畀錢.

第一轉食啲咸嘢先.呢度得洋食,意粉薄餅都好好味.

傻馬拎咗個即叫即整朱力威化餅,塊餅脆脆地好正!

食完咸嘢就梗係食甜嘢喇.呢度啲甜品真係好好好好鬼正!!!

全部都係自家製,甜品至係主打!

呢個抹茶班戟,傻馬話甜得滯...

傻魚上次都有食呢個鮮果班戟,太好味喇...今次又點會唔返兜...雖然傻魚唔多好甜嘢,但係呢度啲甜品真係冇得頂!!!
好甜o既朋友可以去試下.間嘢喺新宿駅東口車站上面八樓.午餐時段一千八百円(九十分鍾),晚餐時段二千五百円(一百二十分鍾).
備註: http://www.lumine.ne.jp/shop_info/shop_info.php?shop_id=13080016
http://www.sumire201.com/tabehoudai/tabehoudai_zukan/detail/bitter_sweets_buffet.html