時差

弊!!!啲時差又返o黎喇...今日瞓到十二點幾至起身,真係羞家...咁晏至起身,乜都做唔到喇...好鬼肚餓添...尋晚專登煲多啲飯,摷埋之前食剩o既午餐肉,打兩個蛋...

又炒飯~好味好味!!!食完都成兩點喇...洗咗機衫,見個天陰陰地,都係晾入屋好啲.睇咗一陣奧運,又夠鍾煲湯喇...今日傻馬返公司,七點前就會返到,所以要早啲煮飯...

樣樣都少少,唔驚食唔晒.傻馬話個帶子仔好好味,下個星期再整~又進入倒數十三日...開始擔心...另外,時差要快快糾正...