無聊

今日冇街去,留喺傻家鬥無聊.傻馬係咁不停打機,完全唔理傻魚.傻魚叫傻馬快啲去消滅啲霉菌,打緊機o既傻馬對耳完全封閉,半隻字都聽唔入耳.唔緊要,來日方長.避得一時唔避得一世,始終都係要做o既...
咁無聊o既傻魚一條魚做乜好?

咪係咁同呢隻"屎滴仔"玩囉.玩咩?咪玩鬥搶張毛凳坐囉.勁無聊呀~哈!
晚餐傻馬話唔想食飯,傻魚見有好多螺絲粉,又搵到罐頭番茄...咪又o黎一鑊熟囉.

除咗西蘭花,綠色一嚿嚿嗰啲係傻馬一條友北上去睇紅葉嗰陣買o既枝豆蒟蒻.可能係啲番茄汁太過搶味,唔係好食到啲枝豆味.仲有一嚿未開,下次試下就咁刺身食先.