新朋友

今朝見啲円對港紙升到86.6,傻馬想賣円.傻魚就話應該仲會再升,可以等下.不過傻馬話賣,咁傻魚咪上網賣咗啲円囉.結果搞到遲到...今日網友甲君介紹新朋友畀傻魚識.久違啲午餐,三個女人一個墟,食得好開心.網友甲君同新朋友都忙,所以食完飯就散會.傻魚見冇嘢做就去超市,所以出事喇...諗住買舊瘦肉同姜煲湯...見到啲蜆平,買!好耐冇整茄子,買!長蔥平,買!春菊平,買!西蘭花呀,買!芽菜平,買!咖哩磚平,買!買下買下咁就買咗千幾二千円喇...
返到傻家摷到上個星期買o既番薯,要快啲整咗佢先得...啲蜆仲未死,都係要今日整...但係今晚決定咗整白汁雜菜雞飯喎...唔怕!加餸...結果...

搞成咁...食完飽到上心口!!!傻魚因為想方便,就用個蒸鍋下邊煲白汁雜菜,上面蒸番薯.唔知係咪因為咁,今次啲白汁好甜!定係啲奶o既問題?下次再整嗰陣就自有分曉!