執包袱

今朝關生關太兩公婆甜蜜蜜咁去軽井沢拍拖,而傻魚就留喺傻家執屋兼執包袱...點知...吸吸下塵,收到關生個電話,話架新幹線取消咗,所以冇去到軽井沢喎...吓?!!點解呀?即刻開電視睇下...原來係因為訊號故障,由今朝一早開始所有新幹線都暫停服務,好多人滯留喺東京駅同上野駅...關生問傻魚有乜搞,傻魚話要執屋同執行李,咁關生就話會周圍行下至返傻家.收咗線之後傻魚就打畀傻馬話件事畀傻馬知,然後繼續執屋...執完屋諗住抖下之時,又收到關生o既電話,話已經上咗o黎...吓?!!咁快返到傻家?再問清楚啲,原來關生關太見有新幹線開出就即刻跳上車去咗軽井沢...咁都得...都好...起碼去到先喇...
傻魚執埋啲行李,關生關太都差唔多返到傻家附近...傻馬收工打o黎問去邊度食,傻魚話仲未見關生關太返到,點咗傻馬去攞位先.傻魚即刻整咗個短訊畀關生話喺駅等,然後就換衫出門口.一開門就見到關生關太返o黎,放低啲嘢之後一齊出門口.行行下撞到傻馬喎...乜唔係去攞位咩?原來傻馬見間嘢冇放題,所以諗住先返傻家同傻魚商量食乜...冇放題都唔緊要喇...照去...去邊間食?

咪就係牛角囉...因為臨近新年,每位顧客都有一張行運簽...結果係...四張都冇料到...

唔記得係乜牛...

傻魚o既雞...

カルビ

食食下覺得叫呢啲會低食啲...有雞,有豬頸肉同兩款牛...

另外再叫碟ロース

見唔多夠喉,再叫多個大碟啲o既...呢碟有兩款豬同兩款牛...食完個個都好飽...
其實一坐低就叫咗兩碟塩キャベツ,好味到連唔多食菜o既關生都係咁食不停口.有影到相o架...但係就搵唔返...唔通有"計"?!!定係部機有個黑洞食咗啲相呀?!!真係奇喇...
聽朝倒塔咁早就要起身出遊...去邊?聽日咪知囉...