食自己

今日正式開始大掃除.枱底啲書同紙全部要清走,枱面啲雜物亦要消失.跟住勁開吸塵機,續寸吸...清咗好多雜誌同儲o黎舖枱o既廣告紙.間屋終於回復返整齊,見到都好開心.
執咗成日,諗住出去買豆腐,今晚食海鮮鍋.點知就收到傻馬個電話,話唔記得今晚公司有聖誕派對.傻馬話要晏啲至返,仲叫傻魚等埋夜啲至食飯.咪玩喇...聖誕派對點會冇嘢食o架...傻魚食自己囉...
結果晚餐食咗乜?好多人都知傻魚唔鍾意一條魚食晚餐,所以今晚食咗薯片!呵呵~等埋傻馬返o黎...

食尋日買o既蛋糕卷.好期待o架嘛...點知...得個甜字,係有啲枝豆碎喺啲忌廉裡面,但係就完全冇枝豆味.好失望...一千一百五十五円...感覺好貴...食完去切啤梨食,點知又因為擺得耐壞咗半個...好嘥嘢!啲大蘋果要快啲食至得!