交咗啲嘢畀傻馬之後就搭返轉頭去新宿買嘢.先去京王搵嘢,然後去東急手買材料整蛋糕,再去南口地面某店買套瞓覺衫畀傻馬,之後去新宿東口間超市買香檳...喺間超市度等埋傻馬,順手買埋肉同洋蔥...跟住行返附近間超市買蛋,再一齊返傻家...真係攰到爆!!!
尋日太忙,凈係執咗個櫃同櫃頂,今日執埋個雪櫃...大掃除正式完滿結束~太好喇!!!執完雪櫃都成七點幾,又夠鍾煮飯仔喇...
今日夜咗食飯,食到唔多十點鍾...洗埋啲嘢,清埋場之後,傻馬乍乍林走去沖涼...
而傻魚就開始整蛋糕!整整下電話響,關生打o黎話已經喺樓下...吓?!!咁快?!!傻馬仲沖緊涼喎...點算呀?!!等咗一陣,拖慢咁落樓接關生關太...上返傻家嗰陣傻馬已經沖完喇...好險~之後一齊食呢個咁肉酸o既蛋糕,然後輪流沖涼...
關生關太o黎咗,做主人家o既傻魚就梗係忙於招呼喇~所以請各位畀少少時間傻魚覆大家o既回應...真係感激不盡!!!
沒有留言:
發佈留言