門口有個好大o既聖誕老人迎接客人.
就係o黎咗呢間棒球餐廳食嘢...最枱一入座都會有盒咸爆谷.
叫咗個曼哈頓風周打湯.係番茄湯底,好味~
再o黎個三拼炸籃,個雞好好味~諗起都想再食...
叫埋個十二吋大鮮番茄芝士薄餅,食完好飽...
食食下有個聖誕老人巡場,隔咗一陣又到個着住棒球制服o既小醜出o黎周圍整人同吹啲長氣球整氣球動物送畀啲小朋友同一部份女士.傻魚有幸收到一個.中途有個遊戲時間,跟住就到跳舞時間.小醜叔叔係咁拉啲人出去一齊跳,好開心.不過好在冇o黎搞傻魚同傻馬啫.
連出面啲人都畀餐廳裡面o既氣氛吸引到,有啲仲喺出面跟住跳.
其實o黎呢間餐廳本來係想食佢個炸洋蔥,可惜間餐廳已經唔再整喇...食唔到有少少失望,但係就過咗段好開心o既晚餐時間.所以話呢,賽翁失馬,焉知非福~
沒有留言:
發佈留言