超酸黑醋

由於尋日蕩得勁得滯,關生關太話今日要自然醒...結果係瞓到成點鍾至起身...之後佢兩公婆出街"拮嘢",而傻魚同傻馬就留喺傻家清咖哩同執屋洗衫...不過都仲係清唔晒,聽日仲要食多一餐至可以清晒啲咖哩...當然,今日啲咖哩係正過尋晚嗰啲喇...
關生關太食完返o黎,關太突然話關生仲未飲醋...事源係前日朝去"蟲屋"食早餐嗰陣,關生話唔食沙律喎...咁傻魚就同關生講,一係食沙律一係夜啲返傻家飲關生至憎o既黑醋...仲諗住關生會選擇食沙律,點知關生寧願飲醋都唔肯食沙律...尋晚傻魚當唔記得冇提,但係今日關太記返起,即刻走去整咗杯好大杯o既超濃超酸黑醋...關生死死氣飲完之後...

喊晒口...真係陰公...都話傻魚去沖o架喇...關生係都要關太整...低死!!!
之後一行四人去行街...尋日傻魚點解係咁嘔白泡?

咪因為咁囉...每幾分鍾o黎一嘢,真係攞命!!!
去咗"驚惶"買嘢,然後帶關太去"腰記"買嘢...跟住去行地下食品街...

呢間有款乾蒜茸包勁正!!!

買完去睇下有冇平海鮮執...可惜今日收晏,所以等唔到...

經過包店...

包怪傻魚即刻話要買...關太都鍾意食,所以就買咗呢幾款試下...

傻魚懶拎啲袋,扣咗喺關生個背包度...見大家都肚餓...又去"花枝舞"...

小食...送酒正!!!

先o黎個海膽刺身...

例嗌o既炸雞軟骨,正~

鰤魚刺身...

蟹寿司...麻麻地...

招牌沙律,好味道!

一口餃子,好味!!!

唔記得乜蜆...好香牛油味...

什錦串燒...

傻魚好鍾意o既芝士焗豆腐,正!!!

辣椒芝士焗年糕,好味~
唔覺唔覺叫咗咁多嘢食,個個都好飽...不過...

經過便利店,關生話要食軟雪糕...關太仲買埋甜品添...勁!!!
一路行返傻家,途經機舖...

關生都唔放過入去打舖機...咁又玩咗一日喇...聽日去邊好?關生話唔知,瞓醒至算喎...