身痕

今日諗住出街買嘢...洗完機衫見個天陰陰,再睇電視話晏啲會落雨喎...都係留喺傻家掃下除算喇...條死人寬頻時快時慢時死,都唔知佢想點...上網上到好鬼忟!!!正經嘢搞咗成個星期都搞唔到,激鬼氣!!!
尋晚執平海鮮嗰陣執到...生食大帶子刺身,半價五百四十円.熟帶子,特價三百八十円.刺身,半價五百一十九円.毛蟹正會二千六百幾円,特會千二円...

尋晚食滯咗,今晚唔多想食飯.見雪櫃仲有包陳年菠菜,所以就切啲紅腸仔加白汗煮螺絲粉.開咗一半熟帶子食,煎埋大前日傻馬買o既不知名魚,加埋個毛蟹...食完都好飽下.傻馬拆咗幾條蟹腳畀傻魚食,傻魚食完依家身痕中...又驚痕又要食...好鬼痕呀!!!想死~