缺點

間屋度度都好,係得一度唔好.咪就係個入口囉!原本有個密碼鎖係好...但係有乜理由有密碼鎖會冇直駁各單位o既門鍾o架...住樓下個屋主又唔係成日喺度喎...啲運輸送嘢o黎冇人應門,以為儍馬同儍魚都唔喺度,留紙仔喺信箱要儍馬打去叫人再送.結果尋日儍魚等咗成日都等唔到部洗衣機同床舖...今朝打電話去問個雪櫃幾點到嗰陣,原來個運輸啱啱o黎過見冇人應門走咗.儍馬即刻打俾個司機,好彩及時叫到佢即時返轉頭.今日收咗雪櫃,單車同床舖.終於都有枕頭訓喇!!!但係部洗衣機就要等聽朝至送到o黎.堆到成屋都係臭衫同垃圾...講返個入口...咁樣成日要開門俾啲人送嘢上樓,屋主唔覺煩咩?唔知個屋主會唔會考慮整返個門鍾喺出面俾樓上啲住客呢?

仲有就係門口冇單車位.儍馬要次次搬部單車落幾級擺喺入口側邊...都有少少左住.遲啲儍魚部單車到埋,啲人就冇可能搬雪櫃呀,洗衣機呀啲大嘢上樓...都幾煩.不過係個屋主話可以咁擺.冇計...

p/s: 諗住放幾張靚靚浴室同厠所相上o黎..點知儍馬帶埋部腦出咗去"飛"單車仲未返...唯有等夜啲儍馬返o黎至問儍馬要啲相聽日放...都等咗咁多日囉...再等多一日啫...儍魚都好心急想曬下!!!