今次喺東京o既第一餐就係咖哩飯...仲要係喺關生至愛o既咖哩連鎖店食.知道關生勁愛食咖哩,所以去到邊一見到咖哩店就會走埋去望一眼.近排儍馬更升華到一見到就會影低間店,而儍魚就會想入去試下邊間好食啲.
玩過呢間咖哩店o既遊戲.之後入過去食,都唔錯...
呢間咖哩店細細間,個門面吸引唔到儍魚入去幫襯...
喺新宿啲地下街行到攰攰啲,無意中見到呢間咖哩店...
可能肚餓,覺得好好味...
講咗好耐今日終於煮咗個咖哩薯仔飯食.由於好耐冇煮過咖哩,所以唔係好敢由零開始煮起.今次用咗日式咖哩磚,味道當然係好喇.仲有一個月時間俾儍魚去鑽研勁好味咖哩秘方.相信喺關生o黎到嗰陣會有一碟見得下人o既咖哩看門口.引誘完關生一輪,相信關生聽日會忍唔住走去咖哩X語.聽日儍魚會搵齊神戶一帶啲咖哩店資料交到關生手中...試完有邊間好味o既記住話返俾儍魚知喎...
沒有留言:
發佈留言