懶醒

唔知係咪因為天氣開始熱,傻魚呢幾日都係懶洋洋咁...今個星期六約咗網友主婦喺傻魚屋企附近食飯唱歌,所以正話出去買餸嗰陣順便去預約定歌房.網友主婦之前比咗個網站傻魚,有埋位置地圖.前日傻魚睇完大概知道喺邊.但係正話出門口之前,因為懶所以冇再上網睇返,懶醒咁以為自己記得...點知搵咗幾條巷仔都仲係搵唔到...其實喺第一次轉入條巷仔己經行啱條路,仲經過間店...可能傻魚眼大睇佢唔到,結果以為行錯路又行咗過隔離街.就係咁行o黎行去,終於行返第一條街,跟住就見到牛咁大間嘢喇!!!停低架車,行入去擺低一千円預約咗間房.好老定咁返到屋企門口突然諗起,正話個哥哥仔會唔會誤會咗傻魚想預約o既時間呢...一支箭沖返屋企打開部腦,見到網友主婦即刻打定個報告.希望冇搞錯喇...

今晚餐飯好飽...因為...

尋晚食凈少少白咖哩,再整多個麻婆茄子,加埋買咗好耐o既半包泡芽菜,諗住就咁一餐.點知傻馬開雪櫃見到有沖漬螢光魷魚,就話要食.好喇...開半包囉...摷摷下又俾傻馬見到有咸蛋,又話要食...好喇...又開半隻囉...最後就搞成咁喇!聽日傻馬仲有半隻咸蛋,半包泡芽菜同半包螢光魷魚...咁聽日煮乜好呢???