靚廁一間

話咗今日會放啲靚廁相上o黎,又點可以食言呢?!!呢間屋最正就係個靚浴室.簡直係一見鍾情呀!雖然冇浴缸,冬天好凍嗰陣唔可以浸個靚浴暖身;但係可以邊沐浴邊按摩,懶o既話仲可以坐喺度沖...最重要係全新!正!!!

個廁所都唔差.冬天去廁所唔使驚個廁所板凍冰冰.去完大突然發現冇廁紙都冇有怕.按個制就會有水噴出o黎幫你洗屁股.唔錯唔錯!!!用咗幾日,都仲未捨得拎走個廁蓋膠袋...

間房就好亂.右下角其實有一大堆發泡膠同紙皮箱.枱底都仲未執,勁亂...個大窗出面係露台,部洗衣機就擺喺出面.因為西斜o既關係,一到兩點幾就開始勁曬.唔拉埋窗簾係絕對唔得...所以唔怕啲衫曬唔乾.今朝收埋部洗衣機,總算全屋啲嘢都齊晒.堆咗幾日越o黎越高o既臭衫終於可以消失.一次過洗咗三機.今晚清埋啲發泡膠同紙皮箱,間屋就乾淨晒喇...下個星期至詳細介紹間屋.呢兩張相頂住先喇...