嘩~原來傻魚今個星期咁鬼勤力,日日一編網誌喎...勁呀!!!一陣傻馬篩選完今日影啲相再報導下今日o既行程...今晚嗰餐都幾勁o架...今晚嗰餐,係咁不停切絲,好攰呀!
繼尋晚o既傑作冬陰公之後又一傑作...又係傻馬心頭愛o既酸辣湯呀!!!落咗好多材料,又可以當餸,又有湯飲.傻馬見到勁開心呀!尋晚用咗三份一o既細蜆仔,正話喺雪櫃扲出o黎嗰陣仲識郁喎...勁呀!諗咗好耐都唔知點整好...結果就切咗啲蒜片,加啲蒜茸,再浸啲粉絲o黎炒啲蜆仔.一個細餸加一個大湯唔係好夠喎...見啲人蒸水蛋蒸得咁開心,傻魚又蒸!落咗啲東菇同竹筍去蒸.跟住就係尋日買o既鰹魚刺身.呢餐飯傻馬一邊食一邊話好味!!!不過,下次返香港要買枝大o既鎮江浙醋至得...
沒有留言:
發佈留言